काठमाडौं । लरेन्स बिस्नोइ ग्रुपको लगातार ज्यान मार्ने धम्कीका बीच सलमान खानले फेरि काम सुरु गरेका छन् । हाल अभिनेता रियालिटी शो ‘बिग बोस १८’ को सुटिङमा व्यस्त छन् ।

सलमान चाँडै नै अन्तर्राष्ट्रिय शो ‘दबंग रिलोडेड’का लागि दुबई जान लागेका छन् । यो शो यसै वर्षको डिसेम्बर ७ मा हुनेछ ।

शो मा सलमानसँगै ज्याकलिन फर्नान्डिज, सोनाक्षी सिन्हा, सुनील ग्रोवर, मनिष पल र आस्था गिल जस्ता सेलिब्रेटीहरू पनि सहभागी हुने बताइएको छ।

रिर्पोटका अनुसार सलमानले भर्खरै कडा सुरक्षाबीच अजय देवगनको फिल्म ‘सिंघम अगेन’को सुटिङ पूरा गरेका छन् । यसमा उनी चुलबुल पाण्डेको भूमिकामा देखिनेछन् ।

राजनीतिज्ञ तथा सलमानका नजिकका साथी बाबा सिद्दिकीको हालै मुम्बईमा हत्या भएपछि अभिनेताको सुरक्षामा थप कडाई गरिएको छ ।

सलमानलाई वाई प्लस सुरक्षा दिइएको छ । उनको घर ग्यालेक्सी अपार्टमेन्ट बाहिर पनि प्रहरीको संख्या बढाइएको छ । हाल सलमानको सुरक्षामा करिब ५१ गार्ड छन् ।