काठमाडौं। निश्चल बस्नेत र स्वस्तिमा खड्का स्टारर फिल्म ‘बेहुली फ्रम मेघौली’ ओभर द टप (ओटीटी) मा रिलिज भएको छ। हलमा रिलिज भएको २३ दिनमै फिल्म ओटीटीमा आएको हो ।

फिल्म आज ओटीटी प्लेटफर्म एमएसएस भिडिओमा स्ट्रिमिङ भएको छ। आईओएस र एन्ड्रोइडमा उपलब्ध उक्त ओटीटीको एप डाउनलोड गरेर दर्शकले फिल्म हेर्न सकिने छ ।

एमएसएम भिडिओ गुगल प्ले र प्ले स्टोर एपमा उपलब्ध छ। दर्शकहरूले डाउनलोड गरेर यसलाई प्रयोग गर्न सक्छन्।

असोज १७ गतेबाट रिलिज भएको यस फिल्मले दर्शकहरुको राम्रो साथ पाइरहेको थियो। तर, प्रयाप्त शो नपाएको भन्दै निश्चलले फिल्मलाई हलबाट उतारेका थिए ।