काठमाडाैं । बलिउड अभिनेत्री शिल्पा शेट्टीको मुम्बईको बास्टियन रेष्टुरेन्टबाट बीएमडब्ल्यू Z4 कार चाेरी भएकाे छ ।

भारतीय सञ्चारमाध्यमका अनुसार करिब १ करोड भारु मुल्य पर्ने बान्द्राका व्यापारी र कार कलेक्टर रुहान खानको याे कार शिल्पाकाे रेष्टुरेन्टबाट चोरी भएकाे हाे ।

कार चाेरी भएपछि रुहानले प्रहरी चौकीमा उजुरी दिएकी छन् ।

रुहान आफ्ना साथीहरूसँग २७ अक्टोबरको २ बजेतिरको चर्चित बास्टियन क्लब पुगेका थिए । यहाँ उनले क्लब भ्यालेटलाई कार पार्क गर्न दिए।

भ्यालेटले कार बेसमेन्टमा पार्क गरे। गाडी पार्किङ गरेको एक मिनेटमै जिपमा सवार दुई जना बेसमेन्टमा पुगे । उनीहरुले ह्याकिङ गरेर कार खोलेर भागे । यो सम्पूर्ण घटना सीसीटीभीमा कैद भएको छ ।

बिहान ४ बजे क्लब बन्द हुँदा रुहानले भ्यालेटलाई कार ल्याउन भने तर आफ्नो कार बेसमेन्टमा नभएको थाहा पाए । सीसीटीभी फुटेज जाँच गरेपछि कार चोरी भएको थाहा भएकाे हाे ।

प्रहरीले अहिले सबै सडकमा जडान गरिएका सिसिटिभीको माध्यमबाट अभियुक्त पत्ता लगाउने प्रयास गरिरहेको छ ।