काठमाडौँ । नेकपा एमालेका वरिष्ठ उपाध्यक्ष ईश्वर पोखरेलको नेतृत्वमा एमाले नेताहरू चीन भ्रमणमा जाँदैछन् ।

पोखरेलको नेतृत्वमा मंगलबार १५ जनाको टोली चीन भ्रमणमा निस्कने तय भएको हो । चिनियाँ कम्युनिष्ट पार्टीको विदेश विभागले गरेको निमन्त्रणामा वरिष्ठ उपाध्यक्ष पोखरेल नेतृत्वको टोली चीन जान लागेका हुन् ।

‘सेकेण्ड ग्लोबल साउथ थिंक ट्यांक फोरममा सहभागी हुन चीन जान लाग्नुभएको हो’, पोखरेलको सचिवालयले भन्यो । यो फोरममा वरिष्ठ उपाध्यक्ष पोखरेल एउटा सत्रको प्रमुख बक्ता रहने कार्यसूची तय भएको छ ।