काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछाने पक्राउको विरोध गर्दै प्रदर्शन गरिरहेका रास्वपाका नेता तथा सांसदहरूविरूद्ध सर्वोच्च अदालतमा अवहेलनाको रिट दर्ता हुने भएको छ।

अधिवक्ता अनुपम भट्टराईले दिएको रिट दर्ता गर्न सर्वोच्चले आदेश दिएको हो ।

भट्टराईले अनुसन्धानमा रहेको चरणमै अदालतलाई दबाब दिने उद्देश्यले अभिव्यक्ति दिने, आन्दोलन गर्ने र आम जनतालाई उतारेर न्याय प्रक्रियामा अवरोध गर्न खोजेको दाबी गर्दै सर्वोच्चमा अदालतको अवहेलना रिट निवेदन पेस गरेका थिए ।

सो रिट सहरजिष्ट्रार अच्युत कुईकेलले दरपीठ गर्ने आदेश दिएका थिए। । उक्त आदेश मंगलबार न्यायाधीश विनोद शर्माको इजलासले बदर गरेको हो।

सहकारी ठगी र संगठित अपराध कसुरमा गत कात्तिक २ गते रास्वपा सभापति लामिछाने पक्राउ परेका थिए। त्यसयता रास्वपाले राजनीतिक प्रतिशोधका आधारमा सभापति लामिछानेलाई पक्राउ गरेको भन्दै प्रदर्शन गरिरहेको छ ।