काठमाडौं । चौधरी ग्रुपअन्तर्गत नेपालमा एलजी उत्पादनका आधिकारिक आयातकर्ता तथा वितरक सिजी इलेक्ट्रोनिक्सले ४३ इन्च, ५५ इन्च र ६५ इन्चका साइजमा नयाँ एलजी नानोसेल टीभी सार्वजनिक गरेको छ । यो टीभीले नेपालमा उपलब्ध एलजीको उन्नत टेलिभिजन मोडेलहरूको दायरा बढाएको कम्पनीको विश्वास छ ।

३२ देखि ८६ इन्चसम्मका ओएलईडी टीभी, क्युएनईडी टीभी, युएचडी टीभी र स्मार्ट टीभीहरू समावेश गरिएको कम्पनीले जनाएको छ ।

एलजीको नानोसेल टीभीहरूमा विशेष नानोसेल लेयर प्रयोग गरिएको बताइएको छ । आईपीएस प्रविधिमा निर्माण गरिएको नानोसेल डिस्प्लेहरूले टोनहरूको दायरा विस्तार गर्ने पनि बताइएको छ । जीवन्त छविहरूका लागि एक अर्बभन्दा बढी रङहरूलाई सपोर्ट गर्ने र वाइद भ्युइङ एंगल पनि प्रदान गर्ने बताइएको छ ।

अत्याधुनिक फोरके नानोसेल अल्फा फाइभ एआई प्रोसेसर जेन सेवेन टेक्नोलोजीले सुसज्जित यी नानोसेल टीभीहरूले जीवन्त तस्बिर गुणस्तरका लागि एआई सञ्चालित फोरके अपस्केलिङ, एआई ब्राइटनेस कन्ट्रोल र नानो कलरको साथ इमर्सिभ दृश्य अनुभव प्रदान गर्ने कम्पनीको भनाइ छ ।