काठमाडौं । कालिमाटीको स्वर्णलक्ष्मी सहकारी ठगी प्रकरणमा जोडिएका नेपाल प्रहरीका पूर्वडीआईजी छविलाल जोशीको बयान सकिएको छ ।

मंगलबार साँझ पोखराबाट काठमाडौं ल्याइएका जोशीको बुधबार र बिहीबार बयान लिइएको थियो । बयान सकिएपछि जोशीलाई आजै पोखरा फिर्ता पठाइएको छ ।

राष्ट्रिय स्वतन्त्र पार्टी (रास्वपा) का सभापति तथा पूर्वगृहमन्त्री रवि लामिछानेलाई भोलि (शनिबार) काठमाडौं ल्याउने तयारी गरीएको छ ।

लामिछानेलाई शनिबार साँझ काठमाडौं ल्याएर आइतबारबाट बयान लिने तयारी रहेको जिल्ला प्रहरी परिसरले जानकारी दियो ।