काठमाडौं । दक्षिण भारतीय अभिनेता नागा चैतन्य र अभिनेत्री शोभिता धुलिपलाले विवाह गरेका छन् ।

बुधबार उनीहरुले हैदरावादको अन्नपूर्ण स्टुडियोमा परिवारको उपस्थितिमा विवाह गरेका हुन् ।

छोरा र बुहारीको विवाहको पहिलो तस्बिर साझा गर्दै अभिनेता नागार्जुनले बधाई दिएका थिए ।

नागा चैतन्यको यो दोस्रो विवाह हो । यसअघि उनले अभिनेत्री सामन्था रुथ प्रभुसँग गोवामा ६ अक्टोबर २०१७ मा पहिले हिन्दू र त्यसपछि ७ अक्टोबरमा क्रिश्चियन रीतिरिवाज अनुसार विवाह गरेका थिए । तर उनीहरुको सम्बन्ध लामो समय टिक्न सकेन । दुवै ६ अक्टोबर २०२१ मा वैवाहिक जीवनको चार वर्ष पूरा गर्न लागेका थिए । तर त्यसअघि नै उनीहरु छुट्टिएका थिए ।