काठमाडौं । नेपाल प्रिमियर लिग (एनपीएल) अन्तर्गत आजको पहिलो खेलमा लुम्बिनी लायन्स र सुदूरपश्चिम रोयल्स भिड्दै छन् । त्रिवि क्रिकेट मैदानमा टस जितेर लुम्बिनीले पहिले फिल्डिङ गर्ने निर्णय गरेको छ ।

योसँगै सुदूरपश्चिम ब्याटिङका लागि उत्रनेछ ।

एनपीएलमा दुवै टोलीको यो तेस्रो खेल हो । अहिलेसम्म लुम्बिनी जितविहीन छ भने सुदूरपश्चिम यसअघिका दुवै खेलमा विजयी भएको थियो । सुदूरपश्चिमले आफ्नो पहिलो खेलमा विराटनगर किंग्सलाई ९० रनले तथा दोस्रोमा काठमान्डु गुर्खाजलाई ७३ रनले हराएको थियो । यस्तै, लुम्बिनी भने पहिलो खेलमा विराटनगर किंग्ससँग र दोस्रोमा पोखरा एभेन्जर्ससँग पराजित भएको थियो ।