काठमाडौं । बलिउड अभिनेता आमिर खानले आफू, शाहरुख खान र सलमान खान एकसाथ फिल्ममा काम गर्न तयार रहेको खुलासा गरेका छन् ।

रेड सी फिल्म फेस्टिभलमा आमिरले सलमान र शाहरुखसँग ६ महिनाअघि सँगै फिल्म गर्नेबारे कुरा गरेको बताए । आमिरले भने– ‘६ महिनाअघि हामी कतै सँगै थियौं र यसबारेमा कुरा गरेका थियौं । वास्तवमा यो पहल गर्ने म नै हुँ। मैले शाहरुख र सलमानलाई भनें कि हामी तीनैजनाले सँगै फिल्म नगर्दा साँच्चै दुःख लाग्नेछ।’

बलिउडका तीन ठूला कलाकारलाई ठूलो पर्दामा सँगै देख्ने सम्भावना लामो समयदेखि फ्यानबीच चर्चाको विषय बनेको छ । आमिरका अनुसार शाहरुख र सलमान पनि यसका लागि तयार छन् । आफुहरु तीनै जना राम्रो स्क्रिप्टको पर्खाइमा रहेको उनले बताएका छन् ।