काठमाडौं। डिसेम्बर ५ देखि प्रर्दशनमा रहेको फिल्म ‘पुष्प २: द रुल’ले लगातार बक्स अफिसमा रेकर्ड तोडिरहेको छ ।

यो फिल्म तेलुगु र हिन्दी सिनेमाको सबैभन्दा धेरै कमाउने फिल्म बन्न सक्ने अनुमान गरिएको छ । तर, थोरैलाई थाहा छ कि अल्लु अर्जुनभन्दा अगाडि फिल्म ‘पुष्पा’को भूमिका निर्वाह गर्नका लागि महेश बाबु निर्माताको पहिलो रोजाइ थिए । महेशले यो फिल्म साइन पनि गरेका थिए तर पछि उनले अस्वीकार गरेका थिए ।

चलचित्र पुष्पा निर्देशक सुकुमारले लेखेका हुन् । सन् २०१८ मा महेश बाबु फिल्म महर्षि (२०१९) को सुटिङमा थिए, त्यसपछि उनी पुष्पाको सुटिङ सुरु गर्ने थिए ।

अप्रिल २०१८ मा, मिथरी मुवी मेकर्स प्रोडक्शनले निर्देशक सुकुमार र महेश बाबुसंग दोस्रो चलचित्र SSMB26 को घोषणा गर्यो। यो फिल्मको छायांकन जनवरी २०१९ बाट सुरु हुने भनिएको थियो, तर त्यसअघि महेश बाबुले क्रियटिभ डिफ्रेन्स् काे कारण देखाउँदै सुकुमारका दुवै फिल्म छोडेर सरिलेरु नीकेवारुलाई साइन गरे।

महेशले फिल्म छोडेपछि सुकुमारले अल्लु अर्जुनलाई फिल्म अफर गरेका थिए । त्यसअघि अल्लु अर्जुनले सुकुमारको फिल्म आर्य २ मा काम गरेका थिए ।