एनपीएल : आज सुदूरपश्चिम रोयल्स र जनकपुर बोल्ट्स तथा चितवन र काठमाडौं भिड्दै

काठमाडौँमा जारी नेपाल प्रिमियर लिग (एनपीएल) को दसौँ दिन बुधबार (आज) पनि दुई खेल हुँदै छन्।
सदाझैँ कीर्तिपुरस्थित त्रिवि क्रिकेट मैदानमा हुने खेल बिहान ९ बजे सुरु हुने पहिलो खेलमा शीर्ष स्थानमा रहेको जनकपुर बोल्ट्स र दोस्रो स्थानमा रहेको सुदूरपश्चिम रोयल्स भिड्दै छन्।
लिगमा अपराजित रहेको जनकपुर लगातार पाचौँ जित हासिल गर्ने दाउमा छ। सन्तुलित टोलीका रूपमा देखिएको जनकपुर पाँचौँ जितसँगै प्लेअफ पुग्ने पहिलो टोली बन्न चाहन्छ।
लिगका तीन खेलमा २ मा जित र १ मा हार भोगेको सुदूरपश्चिम ६ अंकका साथ तालिकाको दोस्रो स्थानमा छ।
राष्ट्रिय टोलीका अलराउन्डर दीपेन्द्रसिंह ऐरीको कप्तानीमा रहेको सुदूरपश्चिम चौथो जितका साथ प्लेअफ सम्भावनालाई बलियो बनाउन चाहन्छ।
एनपीएलमा जनकपुरसँगै सुदूरपश्चिमलाई उपाधि दाबेदार टोलीका रूपमा हेरिएको छ।
आज दिउँसो १ बजे सुरु हुने दोस्रो खेलमा काठमान्डु गुर्खाज र लुम्बिनी लायन्स भिड्दै छन्।
प्लेआफमा पुग्ने गणितीय आशा जीवित राखेको लुम्बिनीलाई यो खेल जित्नैपर्ने दबाब छ। आज हारे लुम्बिनी बाँकी खेलअघि नै समूह चरणबाटै बाहिरिनेछ।
यी दुई टोलीबीचको खेलको निर्णयले प्लेअफ समीकरण अझ रोमाञ्चक बन्नेछ। यो खेल हारे काठमान्डु पनि प्लेअफमा पुग्ने सम्भावना लुम्बिनीकैजस्तै कमजोर बन्नेछ।









पत्रकार वीरेन्द्र आचार्यको सवारी दुर्घटनामा मृत्यु
कपालमा पर्ने चायाबाट छुटकारा पाउने उपाएहरु यस्ता छन्
यस्तो छ आजका लागि सागसब्जी र फलफूलको मूल्य
यस्ताे छ आजकाे माैसम पूर्वानुमान
तीन वर्षमा तीन पटक म्याद थप : स्वास्थ्य चौकी भवन अधुरै
के पाकिस्तानका पूर्व प्रधानमन्त्री इमरान खानको जेलभित्रै हत्या भएकाे हाे ?
एनपिएलः अपराजित विराटनगर किङ्ग्सको यात्रामा चितवन राइनोजले लगायाे ब्रेक
आज २०८२ साल मंसिर ११ गते बिहीबारको राशिफल
शेख हसिनालाई मृत्युदण्डको सजायविरुद्ध देशव्यापी विरोध प्रदर्शन गर्ने घोषणा
सेना परिचालन गर्न राष्ट्रपतिको स्वीकृति
प्रतिक्रिया