काठमाडौँ। राष्ट्रिय प्रजातन्त्र पार्टी (राप्रपा)को केन्द्रीय कार्यसम्पादन समितिको बैठक आज बस्दैछ । बैठक पार्टी केन्द्रीय कार्यालय धुम्बाराहीमा दिउँसो १२ बजे बस्ने भएको हो ।

बैठकमा समसामयिक राजनीतिक परिस्थितिको समीक्षा हुने प्रवक्ता एवं प्रचार विभाग प्रमुख मोहनकुमार श्रेष्ठले जानकारी दिए।

यस्तै, स्थानीय तहको उपनिर्वाचनको समीक्षा, पार्टीको स्थानीय तहको अधिवेशन, पृथ्वी जयन्तीलगायत विषयमा छलफल हुने उनले बताए ।