काठमाडौं। सन् २०२४ सकिन अब केही दिन मात्रै बाँकी छ ।

यो वर्ष धेरै बलिउड कलाकारले ज्यान मार्ने धम्कीको सामना गर्नुपर्‍याे । जसकारण लरेन्स बिश्नोई ग्रुप र अभिनेता सलमान खान सधैँ चर्चामा रहे ।

सलमानका निकट सहयोगी र एनसीपी नेता बाबा सिद्दिकीको अक्टोबर १२ मा हत्यापछि सलमानाई पनि कयौंपटक ज्यानमार्ने धम्की आएको थियो । उनको घरमा गोली समेत चलाइएको थियो । त्यसयता सलमानसँगै उनको घरको सुरक्षा बढाइएको छ । साथै यस अपराधमा संलग्न केहीलाई पक्राउ गरेर प्रहरीले अनुसन्धान गरिरहेको छ ।

बाबा सिद्दिकीको हत्याको जिम्मा बिश्नोई समुहले लगिसकेको छ ।

यो वर्ष अभिनेता शाहरुख खानलाई पनि धम्की आएको छ । शाहरुखलाई मार्ने धम्की दिँदै ५० लाख भारु माग्ने एक वकिललाई प्रहरीले पक्राउ गरेको थियो ।

भारतका चर्चित र्‍यापर हनीसिंहले पनि एक अन्तरवार्तामा आफुलाई ग्याङस्टार गोल्डी ब्रारले ज्यानमार्ने धम्की दिँदै ५० लाख रुपैयाँ फिरौती मागेको खुलासा गरेका छन् ।

अभिनेता विक्रान्त मेसी पनि यो सूचीमा परेका छन् । गोधर घटनामा बनेको फिल्म ‘द साबरमती रिर्पोट’ पछि अभिनेता र उनको परिवारलाई ल्यान मार्ने धम्की आएको थियो ।

अभिनेत्री तथा नेता कंगना रनौतलाई पनि ज्यान मार्ने धमकी आएको उनले बताएकी छन् ।