मुम्बइ। ‘पुष्पा २ः द रुल’ले बक्स अफिसमा हलचल मच्चाएको छ । 

अल्लु अर्जुन, रश्मिका मन्दाना अभिनित फिल्मले हिन्दी भाषामा ८०० करोडको आँकडा पार गरेर कीर्तिमान बनाएको छ भने भारतमात्रै १२०० करोड बढी कमाएको छ । 

फिल्मले विश्वभरबाट १८ सय करोडभन्दा बढीको कमाइ गरेको छ ।

जानकारी अनुसार ‘पुष्पा २’ ले जवान, पठान, एनिमल, बाहुबली, बाहुबलीः २, केजीएफ, केजीएफः२ जस्ता चलचित्रलाई पछि पार्दै हिन्दी बक्स अफिसमा नम्बर वनको उपाधि जितेको छ ।

विश्वव्यापी कमाईको मामिलामा अल्लु अर्जुनको ‘पुष्पा २’ आमिर खानको ‘दंगल’को रेकर्ड तोड्न २०० करोडले मात्रै पछाडि रहेको छ । याे रेकर्ड पनि छिट्टै ब्रेक गर्ने निर्माण टीम विश्वस्त छ ।

फिल्म फेब्रुअरीसम्म ओटीटीमा पनि रिलिज गरिने निर्माताले बताएका छन् ।