काठमाडौं । अभिनेता गोविन्दाकी पत्नी सुनिता आहुजाले रविना टण्डन र शिल्पा शेट्टीसँग राम्रो सम्बन्ध रहेको बताएकी छन् ।

रविनाले आफुले पहिला गोविन्दालाई भेटेको भए उनीसँग विवाह गर्ने बताएको पनि सुनिताले खुलासा गरेकी छिन् ।

हिन्दी रशलाई दिएको एक अन्तर्वार्तामा सुनिताले गोविन्दासँग सेटमा जाँदा शिल्पा, रविना र मनिषा कोइरालाजस्ता अभिनेत्रीहरूसँग धेरै रमाइलो गर्ने गरेको बताइन् । उनले भनिन्– ‘सुटिङपछि हामी सबैले सँगै खाना खान्थ्यौँ । गोविन्दाको सह–कलाकारसँग राम्रो सम्बन्ध थियो । रविना अझै भन्छिन् कि ‘गोविन्दा तिमीले मलाई पहिले भेटेको भए म तिमीसँग बिहे गर्ने थिएँ ।’ मैले उनलाई भनेँ- ‘लैजाउ, त्यसपछि थाहा हुनेछ।’

९० को दशकमा गोविन्दा र रविनाको जोडी बलिउडको हिट जोडी मध्ये एक थियो । उनीहरुले परदेशी बाबु, आन्टी नम्बर १, बडे मियाँ छोटे मियाँ र आखियों से गोली मारे जस्ता चलचित्रमा सँगै काम गरेका छन् ।