काठमाडौँ। टिकटकले अमेरिकामा आफ्नो सञ्चालन बन्द गर्ने तयारी गरेको छ ।

समाचार संस्था रोयटर्सका अनुसार जनवरी १९ सम्मको समयसीमा सकिने भएपछि टिकटकले यही आइतबारदेखि अमेरिकामा टिकटक उपलब्ध नहुने बनाउन लागेको हो ।

अमेरिकाका नवनिर्वाचित राष्ट्रपति ट्रम्पले ६० देखि ९० दिनका लागि टिकटक प्रतिबन्धको कानूनी प्रावधान कार्यान्वयन स्थगित गर्न उपयुक्त कार्यकारी आदेश जारी गर्ने तयारी गरेकाे द वाशिङ्टन पोस्टमा उल्लेख छ । टिकटकमाथि अमेरिकी प्रयोगकर्ताको तथ्यांकको दुरुपयोग गरेको र चिनियाँ सरकारलाई व्यक्तिगत गोपनीय जानकारी उपलब्ध गराइ रहेको आरोप लागेको छ ।

अमेरिकामा टिकटकका झन्डै १७ करोड प्रयोगकर्ता छन् ।