काठमाडौं। मानव बेचबिखन तथा ओसारपसार मुद्दामा इन्टरपोलबाट रेड नोटिस जारी भएका एक फरार प्रतिवादी पक्राउ परेका छन् ।

बर्दिया बढैयाताल गाउँपालिका–२ स्थायी घर भइ काठमाडौं टोखा नगरपालिका–३ बस्ने विनौद पौडेल पक्राउ परेका हुन् ।

उनलाई एनसीबी अबु मस्कट ओमानको समन्वयमा ओमानमा पक्राउ गरिएको नेपाल प्रहरीले जनाएको छ । उनलाई सम्बन्धित मुद्दामा कारबाही गर्न बुधबार नेपाल फिर्ता ल्याइएको छ ।

पौडेललाई पक्राउ गर्न एनसीबी काठमाडौंको अनुरोधमा इन्टरपोल महासचिवालयबाट २०८१ पुस १२ गते उनीविरूद्ध रेड नोटिस जारी भएको थियो ।