काठमाडौं। भारतको प्रयागराज महाकुम्भ मेलामा माला बेच्ने क्रममा चर्चामा आएकी मोनालिसा अब बलिउडमा डेब्यु गर्ने भएकी छन् ।

मोनालिसाले ‘डायरी अफ मणिपुर’ फिल्मका लागि साइन गरेकी हुन् ।

फिल्मको निर्देशन सनोज मिश्राले गर्नेछन् । निर्देशक मिश्राले मध्य प्रदेशको खरगोन जिल्ला स्थित महेश्वरमा मोनालिसाको घर गएर उनलाई आफ्ना आगामी फिल्मका लागि काष्ट गरेको बताइएको छ ।

फिल्मको छायांकन अघि उनलाई मुम्बईमा अभिनयको तालिम पनि दिइनेछ । फिल्म अक्टोबरमा रिलिज हुन सक्नेछ मोनालिसाले मार्च या अप्रिलदेखि फिल्मको सुटिङ सुरु हुनेछ ।

फिल्म मणिपुरको ज्वलन्त मुद्दामा आधारित रहेको बताइएको छ । बलिउड स्टार राजकुमार रावका दाई अमित राव पनि यही फिल्मबाट बलिउडमा डेब्यु गर्न लागेका छन् ।

मोनालिसा आँखाका कारण चर्चित बनेकी थिइन् । महाकुम्भमा माला बेचिरहेको उनको भिडियो सामाजिक सञ्जालमा एक्कासी भाइरल भएको थियो । उनको फोटो भिडियो खिच्न घुँइचो लाग्न थालेपछि मोनालिसाले माला बेच्ने काम नै छोडेर गाउँ फर्किनु परेको थियो ।