कैलाली। धनगढीमा विद्यालयबाट फर्किंदै गरेकी किशोरी बलात्कृत भएकी छन् ।

स्थानीय विद्यालयमा कक्षा ७ मा अध्ययनरत किशोरीमाथि गत बिहीबार साँझ बलात्कार भएको हो ।

प्रहरीका अनुुसार स्कुलबाट घर फर्किने क्रममा किशोरीलाई सडकमा रोकेर १८ वर्षीय युवकले आफूसँग नहिँडे मारिदिने धम्की दिएका थिए । चक्कु देखाएर धम्क्याउँदै ती युवकले किशोरीलाई आफ्नो घर लगे । त्यसपछि किशोरीमाथि जबरजस्तीकरणी गरेर युवक फरार भएका छन् ।

पीडित किशोरीले शनिबार मात्र प्रहरीलाई घटनाबारे खबर गरेकी थिइन् ।

किशोरीलाई डर, त्रासमा पारेर घरमै लगेर बलात्कार गर्ने युवकको खोजी भइरहेको प्रहरीले जनाएको छ ।