काठमाडौं । विश्व प्रसिद्ध पप गायिका शकिरा अस्पताल भर्ना भएकी छन् ।

स्वास्थमा खराबी आएपछि आफु अस्पताल भर्ना भएको गायिकाले सामाजिक सञ्जालमार्फत जानकारी दिएकी छन् ।

वास्तवमा पेरुको एक कन्सर्टमा शकिराको पर्फमेन्स थियो । त्यहीँ जाँदैगर्दा स्वास्थ्य बिग्रिएपछि उनी सिधै अस्पताल गएकी थिइन् ।

उनी जानुपर्ने कन्सर्टमा फ्यानहरू प्रतीक्षा गरिरहेका थिए । तर डाक्टरहरूले आफुलाई प्रस्तुति दिन रोक लगाएको शकिराले बताएकी छन् ।

गायिकाले लेखेकी छन्, ‘मलाई तपाईंहरू सबैलाई यो जानकारी गराउँदा दुःख लागेको छ कि मलाई हिजो राति पेटको समस्याका कारण आपतकालीन कक्षमा जानुपरेको थियो र म हाल अस्पतालमा भर्ना छु।’