काठमाडाैं। ​​​एमएडब्लू अर्थमुभर्स प्रालिले जेसीबी एनएक्सटी सिरिजका मेकानिकल स्काभेटर नेपालमा लन्च गर्ने भएको छ।​

जेसीबी इन्डियासँगको सहकार्यमा नवीनतम् एक्साभेटरहरू जेसीबी एनएक्सटी 221 LC फ्युल मास्टर र जेसीबी एनएक्सटी 225 LCM ट्र्याक्ड एक्साभेटरहरू लन्च गर्न लागिएको कम्पनीले जनाएको छ ।

ललितपुरको झम्सिखेलस्थित द प्लाजामा आयोजना हुने भव्य लन्च कार्यक्रममा सरकारी प्रतिनिधि, निर्माण उद्योगका अग्रणी, ग्राहक र डिलरहरूसहित करिब ७०० जना सरोकारवालाहरूको सहभागिता रहने छ।

कम्पनीका अनुसार उक्त कार्यक्रममा मशिनहरूको विशेष प्रस्तुतीकरण रहने छ । साथै प्रदर्शनीपश्चात् जेसीबी स्काभेटर खरिद गर्ने ११ जना ग्राहकलाई साँचो हस्तान्तरण गरिने छ।

कार्यक्रममा जेसीबी इन्डियाका सीईओ तथा एमडी दीपक शेट्टी र एमएडब्लूका अध्यक्ष विष्णु अग्रवालको सहभागिता रहने छ।​