काठमाडौं । सन् २०१९ मा रिलिज भएको फिल्म कबिर सिंह अभिनेता शाहिद कपुरको करियरको उत्कृष्ट फिल्मको सूचीमा समावेश छ।

५५ करोड रुपैयाँ भारु लागतमा बनेको यो फिल्मले ३७७ करोड रुपैयाँ कमाएको थियो।

जानकारी अनुसार कबिर सिंहका लागि शाहिदले हरेक दिन २० वटा चुरोट पिउँथे। आफ्नो लुकलाई परिपूर्ण बनाउन शाहिदले सुटिङको क्रममा तौल बढाए र घटाए।

वास्तविक जीवनमा कहिल्यै चुरोट नपिउने आफुले यस फिल्मको छायांकनको क्रममा दिनमा लगभग २० वटा चुरोट पिउने गरेको शाहिदले बताए। इन्डियन एक्सप्रेससँगको अन्तर्वार्तामा शाहिदले भनेका थिए। ‘म दिनमा २० वटा चुरोट पिउँथें। त्यसपछि म घर फर्कनुअघि २ घण्टा नुहाउने गर्थें, ताकि मेरो भूमिकाको नकारात्मकता बच्चाहरू र अरूमा नपरोस्,’ उनले भने ।