काठमाडौं । नेपाल राष्ट्र बैंकले विद्युतीय सवारीसाधनमा दिँदै आएको कर्जा लगानीमा कडाइ गरेको छ।

बैंकले मंगलबार मौद्रिक नीतिको अर्धवार्षिक समीक्षा सार्वजनिक गर्दै सवारीसाधनको ‘लोन टू भ्यालु रेसियो’मा फेरबदल गरेको हो।

जसअनुसार व्यक्तिगत सवारी साधन र सबै प्रकारका विद्युतीय सवारी साधनको ऋण मूल्य अनुपात (Loan to Value Ratio) को सीमालाई ६० प्रतिशत कायम गरिएको छ । जसको अर्थ अब बैंकहरूले विद्युतीय सवारी खरिदमा त्यसको मूल्यको ६० प्रतिशतसम्म मात्रै ऋण प्रवाह पाउनेछन् भने ग्राहकले बाँकी ४० प्रतिशत डाउन पेमेन्ट गर्नुपर्नेछ ।

यसअघि विद्युतीय सवारी साधनहरूका लागि ऋण मूल्य अनुपात ८० प्रतिशतसम्म रहेको थियो । उक्त व्यवस्था अनुसार बैंकहरूले गाडीको मूल्यको ८० प्रतिशतसम्म ऋण दिने र बाँकी २० प्रतिशत डाउन पेमेन्ट गर्नुपर्ने हुन्थ्यो ।