काठमाडौं । तनहुँमा तास खेलिरहेका आठजनालाई प्रहरीले पक्राउ गरेको छ । पक्राउ पर्नेमा व्यास नगरपालिका–४, सिमलटारका ४१ वर्षीय कृष्णबहादुर क्षेत्रीसहितका व्यक्तिहरू छन् ।

क्षेत्रीको घरमा जुवातास खेलिरहेको अवस्थामा शुक्रबार (फागुन १६) बेलुका उनीहरूलाई पक्राउ गरिएको प्रहरी प्रधान कार्यालयले जानकारी गराएको छ ।

नगद ३६ हजार ३१० नेपाली रुपैयाँ, दुई हजार २५० भारु र २१३ पत्ती ताससहित उनीहरूलाई पक्राउ गरिएको प्रहरीले जनाएको छ ।