काठमाडौँ । स्मार्टफोन ब्रान्ड रियलमीले रियलमी नोट ६० र रियलमी नोट ६० एक्स नेपालमा उपलब्ध गराउने भएको छ ।

आर्मरशेल प्रोटेक्सन, आईपी रेटेड डस्ट एण्ड वाटर रेजिस्टेन्स, शक्तिशाली यूनिसोक टी ६१२ प्रोसेसर र ५००० एमएएच ब्याट्री सहित यी स्मार्टफोनहरूले उत्कृष्ट प्रदर्शन गर्ने कम्पनीले जानकारी दिएको छ । यसमा ४८–महिनाको फ्ल्युएन्सी सर्टिफिकेसन रहेको छ ।

रियलमी नोट ६० र रियलमी नोट ६० एक्स मा ८ प्रकारका प्रोटेक्सन प्रविधिहरू समावेश रहेका छन् जसमा मेटल, फोम र सिलिकन सामग्रीहरूको प्रयोग गरिएका छन् ।

रियलमी नोट ६० मा आईपी ६४ रेटेड डस्ट एण्ड वाटर रेजिस्टेन्स सुविधा पनि रहेको छ भने रियलमी नोट ६० एक्सले आईपी ५४ प्रमाणपत्र पाएको छ जसले अनपेक्षित दुर्घटनाबाट फोनलाई सुरक्षित राख्छ ।

यी स्मार्टफोनहरू ३२० भन्दा बढी कडा गुणस्तरीय परीक्षणहरू पार गर्दै बनेको कम्पनीले जनाएको छ ।

१०,००,००० पटक बटन प्रेस परीक्षण, ४०,००० पटक युएसबी प्लग इन र अनप्लग परीक्षण, २१ दिनसम्म उच्च तापक्रम (६५ डिग्री सेल्सियस) परीक्षण र १४,००० पटक माइक्रो ड्रप परीक्षण सहितका टियुभी राइनल्याण्ड उच्च विश्वसनीयता प्रमाणपत्रद्वारा यी स्मार्टफोनहरू प्रमाणित गरिएका छन् ।

५००० एमएएचको शक्तिशाली ब्याट्री सहित दुवै स्मार्टफोनहरूले लामो समयसम्म पावर प्रदान गर्छन् । रियलमी नोट ६० मा ३२ घण्टासम्मको भ्वाइस कल टाइम र रियलमी नोट ६० एक्समा ४८ दिनसम्मको स्ट्यान्डबाइ मोडको क्षमता रहेको छ ।

१००० पटकको चार्ज साइकल पूरा गरेपछि पनि ब्याट्रीको हेल्थ ८०% कायम रहने कम्पनीको दाबी छ । स्ट्रीमिङ, गेमिङ वा मल्टीटास्किङमा पनि रियलमी नोट ६० र रियलमी नोट ६० एक्स लगातार प्रयोग गर्न सकिने कम्पनीले जनाएको छ ।

दुवै स्मार्टफोनहरू शक्तिशाली यूनिसोक टी ६१२ चिपसेटद्वारा सञ्चालित छन् जसले २,५२,५९७ एन्टुटु बेन्चमार्क स्कोर हासिल गरेका छन् ।

रियलमी नोट ६० मा ३२ मेगापिक्सेल सुपर क्लियर क्यामेरा रहेको छ भने नोट ६० एक्स मा ६.७ इन्चको ९० हर्ज आई कम्फर्ट डिस्प्ले छ ।