काठमाडौं । साताको अन्तिम कारोबारको दिन सेयर बजार घटेको छ । आज नेप्से परिसूचक २ दशलमव ७० अंकले घटेर २,८१८ को विन्दुमा कायम भएको हो।

बिहिबार ९९ कम्पनीको सेयर मूल्य बढेको छ भने १३२ कम्पनीको घटेको छ । आज दिनभरिमा ३१० कम्पनीको १ करोड ९० लाख ४१ हजार कित्ता सेयर किनबेच हुँदा १० अर्ब १० करोड माथिको कारोबार भएको छ ।

यसदिन सबैभन्दा धेरै हिमालयन रिइन्स्योरेन्सको सेयर कारोबार भएको छ । आज यस कम्पनीको १ अर्ब १२ करोडको सेयर कारोबार भएको हो । यस्तै नेपाल पुनर्बीमा कम्पनीको १ अर्ब ८ करोडको सेयर कारोबार भएको छ । एनआरएनको ३४ करोड १७ लाख रुपैयाँको सेयर कारोबार भएको छ ।

बिहिबार सबेभन्दा धेरै गार्डियन माइक्रो लाइफ र भुगोल इनर्जीका लगानीकर्ताले कमाएका छन् भने सबैभन्दा धेरै नविल डिबेञ्चर २०८२ का इकाईधनीले गुमाएका छन् ।