काठमाडौं । लामो समयदेखि आफ्नो सम्बन्धलाई लिएर चर्चामा रहेका विजय वर्मा र अभिनेत्री तमन्ना भाटियाको ब्रेकअप भएको छ ।

यसै वर्षको अन्त्यसम्ममा उनीहरुको विवाह हुने बताइएको थियो । तर दुईबीच कुरा नमिल्दा ब्रेकअप हुन पुगेको जानकारी आएको छ ।

अभिनेत्रीका नजिकका एक आफन्तका अनुसार भविष्यका बारेमा तमन्ना र विजयको विचार मिल्दैनथ्यो। ‘तमन्ना छिट्टै विवाह गरेर बसोबास गर्न चाहन्थिन्, तर विजयले भने यस बारेमा आफ्नो विचार स्पष्ट गर्न सकेनन्,’ उनले भने ।

ब्रेकअपपछि पनि तमन्ना र विजयले इन्स्टाग्रामबाट सँगैका तस्विरहरु डिलिट गरेका छैनन् । दुवैको सामाजिक सञ्जाल अकाउन्टमा अहिले पनि एकअर्काका तस्बिरहरू छन् ।

ब्रेकअपबारे पनि उनीहरुले हालसम्म कुनै प्रतिकृया दिएका छैनन् ।