काठमाडौं। प्रतिनिधिसभाको दोस्रो बैठक पनि विपक्षी दलहरूले अवरोध गरेका छन् ।

बुधबार प्रतिनिधिसभाको बैठक सुरु हुनेबित्तिकै विद्युत् प्राधिकरणका कार्यकारी निर्देशक कुलमान घिसिङलाई हटाएको विषयमा प्रधानमन्त्रीले जवाफ दिनुपर्ने भन्दै विपक्षी दलहरूले बैठक अवरोध गरेका थिए ।

त्यसपछि सूचना टाँस गरेर ३ बजेसम्मका लागि बैठक स्थगित गरिएको थियो । ३ बजेपछि फेरि बैठक सुरु भए पनि विपक्षीको अवरोध कायमै रहेको हो ।

सञ्चालनका लागि सहयोग गर्न आह्वान गरेपनि विपक्षीदलहरू अवराेध कायम राखेपछि सभामुख देवराज घिमिरेले बैठक बिहीबार बिहानसम्मका लागि स्थगित गरेका हुन् ।