काठमाडौं । काठमाडौंको तीनकुने घटनामा संलग्न रहेको अभियोगमा थप २४ जना पक्राउ परेका छन् ।

१५ चैतमा तीनकुनेमा राजावादीहरूले गरेको हिंसात्मक प्रदर्शन, अराजक गतिविधि र तोडफोडको घटनामा संलग्न भएको आरोपमा थप २४ जना पक्राउ परेको जिल्ला प्रहरी परिसर काठमाडौंका प्रवक्ता एवं प्रहरी उपरीक्षक अपिलराज बोहराले जानकारी दिए ।

उनीहरूलाई काठमाडौंमा विभिन्न स्थानबाट पक्राउ गरिएको बोहराले बताए । तीनकुने घटनामा संलग्न रहेको आरोपमा यसअघि राप्रपाका महामन्त्री धवलशमशेर राणा, उपाध्यक्ष रवीन्द्र मिश्रसहित ४१ जना पक्राउ परेका थिए । अदालतबाट म्याद थप गरेर पक्राउ परेकाहरूमाथि प्रहरीले अनुसन्धान गरिरहेको छ ।