गत वर्षको विद्रोहपछि उत्सुकताका साथ प्रतीक्षा गरिएको चुनावका लागि समर्थन जुटाउँदै प्रतिद्वन्द्वी समूहहरूले ढाकामा सामूहिक प्रदर्शन गर्ने तयारी गर्दै बिहीबार बङ्गलादेशमा तीन दिने राजनीतिक र्‍यालीहरू सुरु भएका छन् ।

अगस्टमा भीडले स्वेच्छाचारी प्रधानमन्त्री शेख हसिनाको दरबारमा आक्रमण गर्दा उहाँ निर्वासनमा भागेपछि अन्तरिम सरकारको नेतृत्व गर्नुभएका नोबेल शान्ति पुरस्कार विजेता ८४ वर्षीय मुहम्मद युनुसले डिसेम्बरको सुरुमा र पछिल्लोमा सन् २०२६ को मध्यसम्ममा चुनाव हुने बताउनुभएको छ ।

निर्वाचन जित्ने धेरै सम्भावना रहेको बङ्गलादेश नेशनलिस्ट पार्टी (बिएनपी) ले ढाकामा मे दिवस र्‍याली आयोजना गर्ने भएको छ ।

“यो हालैको समयमा सबैभन्दा स्मरणीय भव्य र्‍याली हुनेछ भन्ने कुरामा हामी विश्वस्त छौंँ”, बिएनपीका मिडिया अधिकारी साइरुल कबिर खानले भने ।

सबैभन्दा ठूलो इस्लामिक राजनीतिक पार्टी जमात–ए–इस्लामी पनि बिहीबार राजधानीका सडकहरूमा निस्कनेछ ।

पहिले हसिनाको शासनको नजिक रहेको जातीय पार्टीले पनि र्‍याली गर्नेछ । हसिनाको अवामी लिगलाई सत्तामा टाँसिरहन मद्दत गरेको आरोपमा अक्टोबरमा यसको कार्यालयहरू तोडफोड भएपछि यो यसको पहिलो बाहिरी राजनीतिक कार्यक्रम हुनेछ ।