उदयपुर । उदयपुरमा जन्ती पुर्‍याएर फर्किएको बस त्रियुगा नदीको बाढीले बगाएको छ।

सोमबार राति सिवाईबाट सप्तरीमा जन्ती पुर्‍याएर बेल्टार फर्किने क्रममा को १ ख ४७५३ नम्बरको बराहक्षेत्र नामक यात्रुबाहक बस चौदण्डीगढी नगरपालिका–५ स्थित त्रियुगा नदीमा भासिएकाे थियाे । बस मंगलबार बिहान बाढी आएपछि बगेको हो ।

प्रहरीका अनुसार बसमा चालक र सहचालक मात्रै थिए। उनीहरू सकुशल छन् । नदीमा डुबेको उक्त बस निकाल्न अहिले क्रेन बोलाइएको छ ।