काठमाडौं । भारत र पाकिस्तानबिच तनाबका बिच मधेस प्रदेशमा सशस्त्र प्रहरी बल(एपीएफ)ले सीमाक्षेत्रमा सुरक्षा चेकजाँचमा कडाइ गरेको छ ।

बलले सीमानाकामा चेकिङ, पेट्राेलिङ गस्ती लगायतकाकामलाई तिब्रता दिएकाे हाे । मधेस प्रदेशमा भर्खरै सरुवा भएर आएका छिन्नमस्ता बाहिनीका बाहिनीपति डिआइजी कृष्ण ढकालले पनि आफै सीमाक्षेत्रमा पुगेर भइरहेका कामको अवस्थाबारे जानकारी लिइरहेका छन् ।

सिमानाकाको दशगजामा नेपालको सशस्त्र प्रहरी र भारतको सीमा सशस्त्र बल (एसएसब)ले संयुक्तरूपमा क्रसबोर्डर पेट्रोलिङ गस्ति गरिरहेका छन् ।

त्यस्तै आवश्यता अनुसार सुरक्षा रणनीति बनाउने , सूचनाआदान गर्ने काम भइरहेको सशस्त्र प्रहरीले जनाएको छ ।

सीमा क्षेत्रलाई व्यवस्थित गर्न र हुनसक्ने अवैध गतिविधिलाई रोक्न नेपाल प्रहरी, राष्ट्रिय अनुसन्धान विभाग, स्थानीय जनप्रतिनिधि तथा सर्वसाधारणहरुसँग समन्वय गरी सूचना आदान–प्रदान गरी सीमामा आवतजावत गर्नेहरुलाई निगरानी गर्ने कार्य समेत कडाईकासाथ गरिएको सशस्त्र प्रहरीले जनाएको छ ।