काठमाडाैं । राष्ट्रिय प्रजातन्त्र पार्टी (राप्रपा) का उपाध्यक्ष रवीन्द्र मिश्रको तर्फबाट दायर बन्दी प्रत्यक्षीकरण रिटमा सर्वोच्च अदालतले मिश्रसहित अनुसन्धानको मिसिल पेस गर्न आदेश दिएको छ ।

बुधबार न्यायाधीश सुनिलकुमार पोखरेलको एकल इजलासले ‘कारण देखाऊ’ आदेश जारी गर्दै मिश्रलाई आउँदो शुक्रबार अदालतमा उपस्थित गराउन आदेश दिएको हो ।

गत १५ चैतमा काठमाडौंको तीनकुनेमा राजावादी समूहद्वारा आयोजित प्रदर्शन हिंसात्मक बनेपछि प्रहरीले मिश्रसहित दुर्गा प्रसाईंलगायतलाई पक्राउ गरेको थियो ।

मिश्रमाथि राज्यद्रोह, सङ्गठित अपराध र आपराधिक उपद्रवसम्बन्धी कसुरमा अनुसन्धान भइरहेको प्रहरीले जनाएकाे छ ।