काठमाडौं । भारतीय फिल्म निर्माता करण जोहरले अभिनेत्री आलिया भट्टलाई ‘नेपो किड’ भन्नेहरूलाई कडा जवाफ दिएका छन्।

हालै एक अन्तर्वार्तामा करणले आफु नातावादको बहसबाट दिक्क भइसकेको जिकिर गरेका छन् ।

गलाटा प्लससँगको कुराकानीमा करण जोहरले भने, “के तपाईंले ‘हाइवे’ हेर्नुभएको छ ?” ‘उडता पञ्जाब’ हेर्नुभएको छ ? ‘राजी’ हेर्नुभएको छ? गंगुबाई हेर्नुभएको छ ? उनका चलचित्रहरू हेर्नुहाेस् पहिले। यदि त्यसपछि पनि तपाईंले उसलाई ‘नेपो किड’ भनिरहनुभएको छ भने तपाईं संसारको सबैभन्दा मूर्ख व्यक्ति हुनुहुन्छ।”

स्टार किड्स लन्च गर्ने बारे करणले भने, ‘म स्टार किड्सको प्रतिभामा विश्वास गर्छु। के म बलिउडको घृणाको अनुहार हुँ र यदि हो भने मलाई यो ट्याग दिनुभएकोमा धन्यवाद। तर मलाई लाग्दैन कि म यो ट्यागको योग्य छु।’