काठमाडौं । विश्व स्वास्थ्य संगठनको कार्यकारी समितिको सदस्यमा नेपाल सर्वसम्मत निर्वाचित भएको छ । स्वास्थ्य तथा जनसंख्या मन्त्री प्रदीप पौडेलका अनुसार कार्यकारी समितिमा निर्वाचित भएसँगै नेपालको स्वास्थ्य सुधारका प्रयासमा थप टेवा पुग्नेछ ।

मन्त्री पौडेलले सामाजिक सञ्जालमार्फत भनेका छन्, ‘यसले नेपालका स्वास्थ्य सुधारका प्रयासहरुको विश्वव्यापी प्रसार अनि विश्वका राम्रा अभ्यासको अनुकरणका लागि अझ सम्भावनाको ढोका उघारेको छ ।’