काठमाडौं । आइसीसी टी–२०आई वरियतामा बलिङतर्फ नेपाली क्रिकेटर सन्दीप लामिछानेले एकैपटक ४१ स्थान सुधार गरेका छन् । हालैकाे स्कटल्याण्ड सिरिजपछि सन्दीप ४१ स्थान सुधार गर्दै ७५ स्थानमा आइपुगेका हुन् ।

यस्तै बलिङतर्फ ललित राजवंशी पनि २९ स्थान सुधार गर्दै ५४ औं स्थानमा उक्लिएका छन् । दीपेन्द्रसिंह ऐरी ८०औं स्थानमा छन् ।

ब्याटिङतर्फ कप्तान रोहितकुमार पौडेल र ओपनर आसिफ शेख दुवै ब्याटिङ वरीयतामा दुई स्थान खस्किएका छन् । रोहित ६६ औँ र आसिफ ७९ औँ स्थानमा पुगेका छन् । अर्का ओपनर कुशल भुर्तेलले भने १० स्थान उक्लिँदै ८३ औँ स्थानमा पुगेका छन् । यस्तै गुल्सन झा ६०, रोहित ६६, कुशल मल्ल ६७ र करण केसी ८१औं स्थानमा छन् ।

टी–२०आईको अलराउण्डर वरियतामा दीपेन्द्र तेस्रो स्थानमा कायमै छन् ।