काठमाडौं। नेपाली कांग्रेस केन्द्रीय समितिको बैठक सुरू भएको छ ।

हिजो साेमबारदेखि सुरू भएको केन्द्रीय समितिको बैठक दोस्रो दिन पनि जारी छ । साेमबारकाे बैठकमा मुख्यतयाः प्रभावशाली नेता शेखर कोइरालाले नेतृत्वमाथि विभिन्न प्रश्न उठाएका थिए । 

बैठकमा छलफलका लागि विभिन्न १३ वटा एजेण्डा प्रस्तुत गरिएको छ ।

पार्टी प्रवक्ता प्रकाशशरण महतका अनुसार बैठकमा मुख्य रुपमा गठबन्धनको सरकारका साथै भ्रातृसंस्थाका विषयमा केन्द्रीय सदस्यहरूसँग राय लिइनेछ । यस्तै, सङ्घीय सरकार र प्रदेश सरकारमा रहेका मन्त्रीहरूका कामकारबाहीका बारेमा जानकारी गराउने एजेण्डा पछि छलफलको विषय रहेको छ ।

सोमबारको बैठकमा सभापति शेरबहादुर देउवाले केन्द्रीय नीति अनुसन्धान तथा प्रशिक्षण प्रतिष्ठानको निर्देशिका संशोधनको विषय राख्नुका साथै प्रतिष्ठानको प्रतिवेदन प्रस्तुत गरेका थिए ।