काठमाडौं । नेपाली कांगेसका महामन्त्री तथा सांसद गगन थापाले निजामती विधेयकको कुलिङ पिरियडमा भएकाे बदमासी छानबिन गर्न तत्काल छानबिन समिति बनाउनुपर्ने बताएका छन् ।

पार्टी केन्द्रीय समिति बैठक जारी रहँदा सञ्चारकर्मीसँग कुरा गर्दै महामन्त्री थापाले आफूखुसी गर्नेलाई कारबाहीसँगै ‘कुलिङ अफ पिरियड’ पनि राख्नुपर्ने बताए । “निजामती विधेयकमा कुलिङ अफ पिरियड राख्ने आम सहमति हो । राज्यव्यवस्था समितिमा उपसमितिको प्रतिवेदनपछि अन्तिम वक्ता सायद म नै हुँ,” थापाले भने, “समितिमा भएका सहमति लिपिबद्ध गर्ने काम सचिवालयको हो । त्यसकै लागि सचिवालय राखिएको हुन्छ । कसले चलायो छानबिनका लागि सभामुखले तत्काल समिति गठन गर्नुपर्छ ।”