काठमाडाैं । नेपाली कांग्रेसको शेखर कोइराला समूहले पार्टीका नेताहरूमाथि गरिएको अनुशासनको कारबाही अवैधानिक भएको निष्कर्ष निकालेको छ ।

बिहिबार बालुवाटारस्थित कोइरालाको सम्पर्क कार्यालयमा बसेको पार्टीको अनुशासन समितिको बैठकले बहुमतका आधारमा पार्टीका नेताहरूमाथि गरेक कारबाही पक्षपाती र गुटप्रेरित भएको निष्कर्ष निकालेकाे हाे ।

बैठकले पार्टीभित्रको अर्को पक्षलाई किनारा लगाउने उद्देश्यले नेताहरूमाथि कारबाहीको डण्डा चलाइएको निष्कर्ष निकालेको उनले बताए । ‘यो निर्णय बहुमत र अल्पमतका आधारमा गरिएको छ । पाँचमध्ये दुई जना सदस्यले निर्णयमा नोटअफ डिसेन्ट लेख्नुभएको छ,’ उनले भने, ‘त्यसैले समितिको निर्णय पार्टीभित्रको अर्को पक्षलाई किनारा लगाउने उद्देश्यबाट प्रेरित छ ।’ अनुशासन समितिको निर्णयमा कोइराला समूहका नेताहरू सञ्जय गौतम र राजीव कोइरालाले नोट अफ डिसेन्ट लेखेका छन् ।

बैठकले प्रतिस्पर्धी समूहलाई पाखा लगाउने र पेल्ने प्रयत्न भएकाले त्यसको प्रतिवाद गर्ने पनि निर्णय गरेको छ । अनुशासनको कारबाही प्रक्रिया अघि नबढाउन नेता कोइरालासहितका नेताहरूले सभापति शेरबहादुर देउवालाई भेटेर ध्यानाकर्षण गराउने निर्णय भएकाे बताइएकाे छ ।