काठमाडौँ । स्मार्टफोन ब्रान्ड अनरले आफ्नो नयाँ स्मार्टफोन अनर एक्स ६ सी नेपालमा सार्वजनिक गरेको छ।

नेपाली प्रयोगकर्ताहरूको आवश्यकतालाई ध्यानमा राखेर डिजाइन गरिएको यो फोन स्मार्ट, स्टाइलिश र अत्याधुनिक एआई (आर्टिफिसियल इन्टेलिजेन्स) फिचरहरूले भरिपूर्ण रहेको कम्पनीको भनाइ छ।

यसमा १.५ मिटर ड्रप रेसिस्टेन्स र आईपी६४ प्रोटेक्सन जस्ता विशेषताहरू छन्, जसले फोनलाई दैनिक प्रयोगमा थप टिकाउ बनाउँछ। यसका साथै, फोनमा समावेश गरिएको AI Action Button ले प्रयोगकर्तालाई एआई-सञ्चालित कार्यहरूमा सहज पहुँच प्रदान गर्दछ, जसले स्मार्टफोनको अनुभवलाई अझ स्मार्ट बनाउँछ।

कम्पनीले एक आकर्षक सीमित अवधिको अफर पनि ल्याएको छ। यस अफरअन्तर्गत, अनर एक्स ६ सीको खरिदमा रु ४,००० बराबरको HONOR X7e Active Earbuds निःशुल्क पाउन सकिनेछ। यो अफर २०८२ साउन १५ गते (जुलाई ३१, २०२५) सम्म मात्र लागु हुनेछ।