काठमाडौं । नेपाली बजारमा आइतबार सुनको मूल्य बढेको छ।

नेपाल सुनचाँदी व्यवसायी महासंघका अनुसार आज सुन प्रतितोला ८०० रुपैयाँले बढेर एक लाख ९३ हजार ३०० रुपैयाँमा कारोबार भइरहेको हाे।

गत शुक्रबार सुन प्रतितोला एक लाख ९२ हजार ५०० रुपैयाँमा कारोबार भएको थियो ।

यस्तै आज चाँदीको मूल्य पनि गत शुक्रबारकाे तुलनामा प्रतितोला पाँच रुपैयाँ बढेर दुई हजार २८५ रुपैयाँमा कारोबार भइरहेको महासंघले जनाएकाे छ ।