काठमाडाैं। चर्चित कमेडियन मेक्सन गौडेल काममा फर्किएका छन्। स्वास्थ्यमा सुधार आएसँगै गौडेल ४ महिनापछि ‘कमेडी नाइट विथ च्याम्पियन्स’ मा फर्किएका हुन्।

आगामी शनिबार छायांकन हुने एपिसोडको सुटिङमा गौडेलले अभिनय गर्ने बताइएकाे छ ।

प्याङ्क्रियाजको समस्याबाट पीडित गौडेल केहिमहिना यता उपचाररत थिए । यहाँ उपचार गर्दा निकाे नभएपछि उनलाई दिल्लीस्थित मेदान्त अस्पताल भर्ना गरिएको थियो। उपचारपछि गत महिना काठमाडौं फर्किएका थिए ।

‘कमेडी नाइट विथ च्याम्पियन्स’मा ४ एपिसोडसम्म अभिनय गरेका उनी त्यसपछि बिरामी परेका थिए । गाैडेलले ‘छक्कापञ्जा ५’ र ‘फेरि रेशम फिलिली’मा पनि अभिनय गरेका छन् ।