काठमाडौँ । एसपीजी अटोमोबाइल्सले प्रिमियम एसयूभी ‘जेइको जे-५’ नेपाली बजारमा भित्र्याएको छ । बुधबारदेखि भृकुटीमण्डपमा सुरु भएको नाइमा नेपाल मोबिलिटी एक्स्पोमा जेइको जे-५ सार्वजनिक गरिएको हो ।

कम्पनीले ओमोडा र जेइको लाइनअपसँगै नयाँ जे-५ नेपाली बजारमा प्रिमियम एसयुभीको रूपमा भित्र्याएको छ । १८५ मिलिमिटर​को ग्राउन्ड क्लियरेन्स, १८-इन्च स्पेयर टायर, ४६१ किलोमिटर​को ड्राइभिङ रेन्ज र ४८० लिटरको बुट स्पेसजस्ता विशेषताले गाडीलाई विशेष बनाएको कम्पनीको दाबी छ ।

जेइको जे-५ को मूल्य ६० लाख ९९ हजार रुपैयाँ तोकिए पनि नाइमा एक्स्पो विशेष अफरअन्तर्गत गाडी ५६ लाख ९९ हजार रुपैयाँमै बुकिङ गर्न सकिनेछ ।

त्यसैगरी, कम्पनीले ओमोडा र जेइकोका अन्य मोडेलहरूमा समेत विशेष अफर ल्याएको छ । जस अनुरूप सुरुवाति मूल्य ६१ लाख ९९ हजार रुपैयाँ रहेको ओमोडा ई ५ नाइमा विशेष अफरको रूपमा ५४ लाख ९९ हजार रुपैयाँमै खरिद गर्न सकिनेछ । त्यस्तै सुरुवाति मूल्य ६९ लाख ९९ रुपैयाँ रहेको जेइको जे ६ अफरको रूपमा ६५ लाख ९९ हजार रुपैयाँमा उपलब्ध गराइएको छ ।

नाइमा एक्स्पोमा ओमोडा र जेइकोका कुनै पनि मोडेल बुक गर्दा अफर तथा छुट पाइने कम्पनीले जनाएको छ ।