काठमाडाैं । नक्कली भुटानी शरणार्थी प्रकरणको अन्तिम सुनवाइ काठमाडौं जिल्ला अदालतमा सुरु भएको छ ।

नेपालीलाई नक्कली भुटानी शरणार्थी बनाएर अमेरिका लैजाने भन्दै सयौँ नागरिक ठगिएको प्रकरणको अन्तिम सुनवाइ सुरु भएको हो । ३३ जना प्रतिवादी रहेकाे याे मुद्दा न्यायाधीश ध्रुवराज कार्कीको इजलासमा परेको छ ।

भुटानी शरणार्थी प्रकरणमा अहिलेसम्म प्रतिवादी बनेका ३३ जनामध्ये २२ जना पक्राउ तथा अदालतमा उपस्थित भइसकेका छन् । जसमध्ये एमालेका सचिव टोपबहादुर रायमाझीसहित ११ जना पुर्पक्षमा कारागारमा छन् । यस्तै कांग्रेस नेता बालकृष्ण खाँणसहित ७ जना धरौटीमा रिहा भएका छन् । चार जना साधारण तारेखमा रिहा भएर जेल बाहिरै छन् ।

यो प्रकरणमा ११ जना अझै फरार छन् ।

जिल्ला सरकारी वकिल कार्यालय काठमाडौंले ठगी, किर्ते, सङ्गठित अपराध र राज्यविरुद्धको अपराधको अभियोगसहित १० जेठ २०८० मा मुद्दा दायर गरेको थियो ।