काठमाडौं । एनआइसी एसिया बैंकको प्रमुख कार्यकारी अधिकृत (सिइओ) पदबाट राेशन कुमार न्यौपानेले राजीनामा दिएका छन्।

न्यौपाने २०७९ कात्तिकमा चार वर्षका लागि नियुक्त भएका थिए। उनको राजीनामा स्वीकृत भएसँगै डेपुटी सिइओ सन्तोष राठीलाई बैंकको कामु (कार्यवाहक) प्रमुख कार्यकारी अधिकृतको जिम्मेवारी दिइएको छ।

न्यौपानेले राजीनामा पारिवारिक कारण देखाएर दिएका हुन्। उनकाे स्थानमा बैंकमा नयाँ सिइओ ल्याउनेबारे विभिन्न बैंकरसँग व्यवस्थापनले छलफल गरिरहेकाे बुझिएको छ ।