काठमाडौँ । सरकारले गृहसचिव गोकर्णमणि दुवाडीलाई हटाएको छ। उनको ठाउँमा रक्षासचिव रहेका रामेश्वर दंगाललाई गृहसचिवको जिम्मेवारी दिइएको छ।

सोमबार बसेको मन्त्रिपरिषद् बैठकले दुवाडीसहित तीन सचिवको सरुवा गर्ने निर्णय गरेको हो।

दुवाडीलाई राष्ट्रिय योजना आयोगको सचिवालयमा सरुवा गरिएको प्रधानमन्त्री तथा मन्त्रिपरिषद कार्यालय स्रोतले जनाएको छ।

जेनजी आन्दोलनको क्रममा भएको दमनमा गृह प्रशासनको नेतृत्व गरेका दुवाडीमाथि छानबिन हुनुपर्ने माग उठिरहेका बेला सरकारले उनलाई हटाएर दंगाललाई सो पदमा ल्याएको हो। दंगाल स्वयं गृह प्रशासनकै क्याडर अधिकारी हुन्।