काठमाडाैं । नेकपा (माओवादी केन्द्र)को सचिवालयय बैठक नेता जनार्दन शर्माले बहिस्कार गरेका छन्। उनले आइतबार पेरिसडाँडामा बसेको बैठक बहिष्कार गरेका हुन्। आजकाे बैठकमा शर्मा उपस्थित नभएकाे पार्टीका एक नेताले जानकारी दिए ।

एकीकृत समाजवादीसँग पार्टी एकता गर्ने प्रस्तावप्रति शर्मा असन्तुष्ट छन्। शनिबारको बैठकमा उनले एकीकृत समाजवादीसँग एकता गर्न नहुने पक्षमा फरक मत राखेका थिए। पार्टी पुनर्गठन र नेतृत्व हस्तान्तरणको विषयलाई बेवास्ता गरेर एकता गर्नु गलत हुने उनकाे भनाइ थियाे । आफ्ना धारणा राखेपछि जनार्दन बैठक छाडेर हिँडेका थिए।

हिजाेकाे बैठकपछि माओवादीले आजपनि बैठक बोलाएको थियो।

माओवादीले एकीकृत समाजवादीसँगको एकताबारे निर्णय लिन कात्तिक १७ गते केन्द्रीय समितिको बैठक डाकेको छ।