काठमाडौं । काठमाडौंको नक्सालस्थित भाटभटेनी सुपरमार्केट भत्काउने क्रममा ३ जना घाइते भएका छन्।

जेनजी आन्दाेलनका क्रममा भएकाे आगजनीपछि भग्नावशेष रहेको भवन भत्काउने क्रममा लागेर आज ३ जना घाइते भएको जिल्ला प्रहरी परिसर काठमाडौंका एक प्रहरीले जानकारी दिए ।

घाइते हुनेमा हेटौंडाका २५ वर्षीय दिपक तामाङ, ३३ वर्षीय राजकुमार स्याङ्तान र ३१ वर्षीय बिजय पाख्रिन छन्। दीपकको दुबै हात र खुट्टामा चोट लागेको छ। स्याङ्तानको टाउको र दुबै खुट्टा र पाख्रिनको टाउको, दुबै हात र दुबै खुट्टामा चोट लागेको छ।

तीनै जनालाई त्रिवि शिक्षण अस्पताल लगिएकाे छ ।