काठमाडौं । नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’ले नेकपा (एमाले) छाडेर सबै नेताहरू आफ्नो पार्टीमा आउने दाबी गरेका छन् ।

बुधबार भीम रावल नेतृत्वको मातृभूमि जागरण अभियानसँगको सहमति पत्रमा हस्ताक्षर कार्यक्रमपछि उनले एमाले अध्यक्ष केपी शर्मा ओलीबाहेक सबै नेता आफूहरूको पार्टीमा आउने बताएका हुन् ।

उनले नेपाली कम्युनिस्ट पार्टीमा १२ वटा घटक समाहित भइसकेको पनि बताए । “१२ वटा समूह एक ठाउँमा आइसक्यौँ । केपीले हावा कुरा गर्छन्, एमाले छोडेर सबै यता आउँछन्,” उनले भने ।